राज्यात स्थानिक स्वराज्य संस्थांच्या निवडणुकांची घोषणा; २ डिसेंबरला मतदान, ३ डिसेंबरला निकाल
मुंबई/प्रतिनिधी – वर्षा चव्हाण
राज्यातील स्थानिक स्वराज्य संस्थांच्या निवडणुकांची अखेर घोषणा करण्यात आली आहे. आज, ४ नोव्हेंबर २०२५ रोजी निवडणूक आयोगानं पत्रकार परिषद घेऊन या निवडणुकांचं वेळापत्रक जाहीर केलं. या निवडणुकांमध्ये राज्यातील २४६ नगरपरिषदा आणि ४२ नगरपंचायती सहभागी होणार असून, यामध्ये १० नवीन नगरपरिषदा आणि १५ नवीन नगरपंचायतींचाही समावेश आहे.
🗓️ निवडणुकीचं वेळापत्रक
नामनिर्देशन अर्ज दाखल करण्यास प्रारंभ: १० नोव्हेंबर २०२५
नामनिर्देशनाची अंतिम मुदत: १७ नोव्हेंबर २०२५
छाननी: १८ नोव्हेंबर २०२५
माघार घेण्याची अंतिम तारीख (अपील नसलेल्या ठिकाणी): २१ नोव्हेंबर २०२५
अपील असलेल्या ठिकाणी माघारीची अंतिम मुदत: २५ नोव्हेंबर २०२५
मतदानाचा दिवस: २ डिसेंबर २०२५
मतमोजणीचा दिवस: ३ डिसेंबर २०२५
🗳️ निवडणुकीचे तपशील
या निवडणुकीत एकूण ३,८२० वॉर्डसाठी ६,८५९ सदस्य आणि २८८ अध्यक्षांची निवड होणार आहे. सर्व मतदान EVM मशीनद्वारे होणार असून, राज्यभर सुमारे १३,३५५ मतदान केंद्रे उभारण्यात येणार आहेत.
एकूण मतदारसंख्या:
पुरुष मतदार – ५३,७९,९३१
महिला मतदार – ५३,२२,८७०
इतर मतदार – ७७५
एकूण मतदार – १,०७,०३,५७६
⚖️ आरक्षणाचे प्रमाण
महिलांसाठी – ३,४९२ जागा
अनुसूचित जाती – ८९५ जागा
अनुसूचित जमाती – ३३८ जागा
मागासवर्गीय प्रवर्ग – १,८२१ जागा
📍 विभागनिहाय स्थानिक संस्था
कोकण विभाग: २७ (पालघर-४, रायगड-१०, रत्नागिरी-७, सिंधुदुर्ग-४, ठाणे-२)
नाशिक विभाग: ४९ (अहिल्यानगर-१२, धुळे-४, जळगाव-१८, नंदुरबार-४, नाशिक-११)
पुणे विभाग: ६० (कोल्हापूर-१३, पुणे-१७, सांगली-८, सातारा-१०, सोलापूर-१२)
छत्रपती संभाजीनगर विभाग: ५२ (छत्रपती संभाजीनगर-७, बीड-६, धाराशिव-८, हिंगोली-३, जालना-३, लातूर-५, नांदेड-१३, परभणी-७)
अमरावती विभाग: ४५ (अमरावती-१२, अकोला-६, बुलढाणा-११, वाशिम-५, यवतमाळ-११)
नागपूर विभाग: ५५ (भंडारा-४, चंद्रपूर-११, गडचिरोली-३, गोंदिया-४, नागपूर-२७, वर्धा-६)
🚨 आचारसंहिता लागू
राज्यात तात्काळ आदर्श आचारसंहिता लागू करण्यात आली आहे. मद्यविक्री आणि रोख व्यवहारांवर बंदी घालण्यात आली असून, पोलीस दल, बँका आणि पतसंस्थांवर विशेष लक्ष ठेवण्यात येणार आहे. तसेच वाहन आणि वाहतूक व्यवस्थेवर देखील निवडणूक आयोगाचं बारकाईनं निरीक्षण राहणार आहे.
दरम्यान, विरोधकांनी मतदार याद्यांतील अनियमिततेबाबत आयोगाकडे आक्षेप नोंदवले आहेत, तर सत्ताधारी पक्षाने पारदर्शक निवडणुकीचा विश्वास व्यक्त केला आहे.
> राज्यातील २०२५ च्या स्थानिक स्वराज्य संस्थांच्या निवडणुकीसाठीची रणधुमाळी आता प्रत्यक्षात सुरू झाली असून, २ डिसेंबर रोजी होणाऱ्या मतदानाकडे संपूर्ण राज्याचं लक्ष लागलं आहे.
