सिद्धेश्वर निंबोडी येथे भारतरत्न डॉ. बाबासाहेब आंबेडकर जयंती साजरी
(निलेश गायकवाड)
सिद्धेश्वर निंबोडी ):
येथील ग्रामपंचायतच्या वतीने महामानव भारतरत्न डॉ. बाबासाहेब आंबेडकर यांची जयंती मोठ्या उत्साहात साजरी करण्यात आली. दरवर्षी हा उत्सव मोठ्या गाजावाजात साजरा केला जातो; मात्र यावर्षी दिवंगत अजितदादा पवार यांच्या आकस्मित निधनामुळे ( दुर्घटनेमुळे ) भिम अनुयायांनी संवेदनशीलतेचा परिचय देत जयंती अत्यंत साधेपणाने साजरी करण्याचा निर्णय घेतला.
यावेळी ग्रामपंचायत कार्यालय व परिसरात महामानवाच्या प्रतिमेचे पूजन करून अभिवादन करण्यात आले. दिवंगत उपमुख्यमंत्री अजित पवार यांच्या दुर्घटनेमुळे कोणत्याही प्रकारचे वाद्य किंवा मिरवणूक न काढता केवळ वैचारिक अभिवादन करण्यावर भर देण्यात आला.
या कार्यक्रमाप्रसंगी सरपंच – संतोष सोनवणे, माजी उपसरपंच – नामदेव बाड, सलीम मुलाणे, तुषार सवाणे, संतोष नगरे, संपत सवाने, राजू सवाने, गणेश खंडागळे, मंगेश खंडागळे तसेच उमेश सोनवणे, विक्रम जाचक, अंगणवाडी सेविका व गावातील महिला वर्ग यांसह गावातील प्रमुख पदाधिकारी उपस्थित होते.
