अमळनेरच्या राजकारणात मोठा ट्विस्ट! चौधरी यांच्यानंतर अॅड. ललिता शाम पाटील यांचा शिंदे सेनेत प्रवेश.
अमळनेर : विक्की जाधव.
आगामी काळात अमळनेरच्या राजकारणात मोठा भूकंप घडवणारी घटना समोर आली आहे. माजी आमदार शिरीष चौधरी यांनी नुकताच मुख्यमंत्री एकनाथराव शिंदे यांच्या नेतृत्वाखाली शिवसेनेत प्रवेश करून राजकीय समीकरणांमध्ये खळबळ उडवली होती. त्यानंतर आता अॅड. ललिता शाम पाटील यांनी देखील शिंदे सेनेत प्रवेश करून या हालचालीला आणखी वजन दिलं आहे.
मुंबईतील मुक्तगिरी बंगला, मलबार हिल येथे पार पडलेल्या या प्रवेश सोहळ्यात मंत्री गुलाबराव पाटील, आमदार अमोल पाटील, तसेच अनेक मान्यवर आणि कार्यकर्त्यांची उपस्थिती होती.
यावेळी अॅड. पाटील यांनी उद्धव ठाकरे गटाशी असलेली नाळ तोडून मुख्यमंत्री एकनाथ शिंदे यांच्या नेतृत्वावर विश्वास दर्शवला. त्यांच्या या प्रवेशामुळे स्थानिक राजकारणात नवीन समीकरणं आकार घेण्यास सुरुवात झाली आहे.
राज्यातील शिवसेनेच्या संघटनात्मक घडामोडींमध्ये अमळनेरचा सहभाग अधिक दृढ होत असल्याचं मानलं जात आहे. माजी आमदार शिरीष चौधरी आणि अॅड. ललिता पाटील यांच्या सलग प्रवेशामुळे शिंदे सेनेचं अमळनेरमधील बळ अधिक मजबूत झालं असून, येणाऱ्या निवडणुकांपूर्वी या बदलांचा मोठा राजकीय परिणाम दिसून येण्याची शक्यता व्यक्त होत आहे.
