अमळनेरमध्ये कुलस्वामिनी श्री चामुंडा माता प्राणप्रतिष्ठापना सोहळा ६ ते ८ ऑक्टोबरदरम्यान
अमळनेर : विक्की जाधव.
आर. के. नगर, मातोश्री नगर येथे कुलस्वामिनी श्री चामुंडा माता प्राणप्रतिष्ठापना सोहळा मोठ्या उत्साहात साजरा होणार आहे. हा सोहळा दिनांक ६ ऑक्टोबरपासून ८ ऑक्टोबर २०२५ पर्यंत पार पडणार असून, विविध धार्मिक कार्यक्रमांची परिपूर्ण रूपरेषा आखण्यात आली आहे. मिरवणुका, पूजन विधी, हवन व महाप्रसाद या सर्वांमुळे परिसरात धार्मिक वातावरण निर्माण होणार आहे.
सोहळ्याचा पहिला दिवस म्हणजे ६ ऑक्टोबर रोजी संत सखाराम महाराज वाडीपासून भव्य मिरवणुकीने सुरुवात होईल. वाजतगाजत निघणारी ही मिरवणूक राजहोडी चौक, झामी चौक, वडचौक, शिरूड नाका, सुरभी कॉलनी मार्गे धुळे रोडवरून मातोश्री नगर मंदिरापर्यंत पोहोचेल. दुसऱ्या दिवशी अखंड ज्योत पिळोदा येथील चामुंडा माता मंदिरातून आणली जाणार असून, प्रधान संकल्प, गणपती पूजन, नवग्रह-रुद्रादी मंडल स्थापन, हवन व स्नपणासह विविध धार्मिक विधी पार पडणार आहेत. ८ ऑक्टोबर रोजी सोहळ्याचा मुख्य दिवस असून सकाळी प्रांत पूजन, उत्तरांग हवनानंतर सकाळी ११ वाजता कुलस्वामिनी श्री चामुंडा माता मूर्ती प्राणप्रतिष्ठापना होईल. या सोबतच बलिदान, पूर्ण आहुती, दान संकल्प, आरती व त्यानंतर भव्य महाप्रसादाचे आयोजन केले आहे. या महापुण्यकर्मात सर्व भाविकांनी सहभागी व्हावे, असे आवाहन चामुंडा माता मंदिर निर्माण समिती व पंच मंडळ कार्यकारिणीने केले आहे.
