गणेशोत्सव विसर्जन आणि ईद सण एकोप्याने साजरे करा जिल्हा पोलिस अधीक्षक अजयकुमार बन्सल यांचे भोकरदन येथील शांतता बैठकीत आवाहन.
भोकरदन तालुका प्रतिनिधी संजीव पाटील। गणेशोत्सव आणि विसर्जन ईद हे सण एकोप्याने आणि शांततेने पार पाडावे असे आवाहन जालना जिल्हा पोलिस अधीक्षक अजयकुमार बन्सल यांनी भोकरदन येथील आयोजित शांतता समितीच्या बैठकीत उपस्थित समाजबांधवांना केले आहे . गणेशोत्सव व ईद सणाच्या पार्श्वभूमीवर शुक्रवारी भोकरदन येथील श्रीकृष्ण मंगल कार्यालयात दुपारी तीन वाजता शांतता समितीच्या बैठकीचे आयोजन करण्यात आले होते.या बैठकीस राजकीय,सामाजिक, व्यापारी बांधवांसह हिंदू मुस्लिम बांधव उपस्थित होते. बैठकीचे प्रास्ताविक पोलिस निरीक्षक किरण बिडवे यांनी केले. यावेळी उपविभागीय अधिकारी दयानंद जगताप ,न.प.चे मुख्याधिकारी वाघमारे,पारध पोलिस ठाण्याचे निरीक्षक संतोष माने ,हसनाबाद पोलिस ठाण्याचे सहाय्यक निरीक्षक माने , भोकरदन पोलिस ठाण्याचे पोलिस उपनिरीक्षक पवन राजपूत, उपनिरीक्षक सागर शिंदे, यांच्या सह भोकरदन पोलिस विभागाच्या कर्मचाऱ्यांची उपस्थिती होती.
। पोलीस निरीक्षक किरण बिडवे यांच्या कार्याची नागरीकांन कडुन प्रशंसा । भोकरदन पोलिस ठाण्याचे निरीक्षक किरण बिडवे यांच्या कार्याची नागरीकांनी यावेळी प्रशंसा केली. किरण बिडवे हे सर्व सामान्य नागरिकांशी आदराने वागतात . सामान्य माणसाला भेटण्यासाठी सहज उपलब्ध असतात . किरण बिडवे हे भ्रष्टाचाराचा कर्दनकाळ, भाईगिरी ला मोडीत काढणारे दबंग पोलिस अधिकारी असुन बिडवे यांनी आपले कर्तृत्व वेळोवेळी सिद्ध केले आहे .असे गौरवोद्गार भोकरदन शहरातील नागरिकांनी काढले.।। वाकडी येथील ग्रामसुरक्षादलातील तरुणांचा सत्कार । । पोलीस निरीक्षक बिडवे यांच्या हस्ते भोकरदन पोलिस ठाणे हद्दीतील वाकडी येथे तरुणांचा ग्रामसुरक्षा दलाची स्थापना झाली .असुन यावेळी पोलीस अधीक्षक अजयकुमार बन्सल यांच्या हस्ते वाकडी येथील ग्राम सुरक्षा दलातील तरुणांचा सत्कार करण्यात आला. हे तरुण आपले जबाबदारी योग्य रीतीने पार पाडत आहेत. ग्रोद्री येथे एकुण चाळीस वर्षे पासुन एक गाव एक गणपती पंरपरा भोकरदन तालुक्यातील भोकरदन पोलिस ठाणे हद्दीतील गोद्री येथे 39 वर्षे पासुन एक गाव एक गणपती पंरपरा आहे. यावेळी पोलीस अधीक्षक अजयकुमार बन्सल यांच्या हस्ते गोद्री येथील ग्रामस्थांचा ही सत्कार करण्यात आला.
