मोटरसायकलच्या डिक्कीतून चोरट्यानी लांबवले ५० हजार रुपये, आंबटशौक करणे पडले महागात..
अमळनेर: विक्की जाधव..
पारोळा तालुक्यातील उंदीर खेडे येथील कलर काम करणाऱ्याच्या जुना सरकारी दवाखाण्याजवळ लावलेल्या मोटरसायकलच्या डिक्कीतून चोरट्यानी ५० हजार रुपये लांबवल्याची घटना २५ रोजी सकाळी दहा वाजेच्या सुमारास घडली. प्रवीण पंडित नेरकर (वय ३२ रा उंदिरखेडा ता पारोळा) व्यवसाय कलर काम याच्या गाडीत क्र.एम एच १९ ईएफ ४८२९ अमळनेर आला होता. त्याच्या मोटरसायकलच्या डिक्कीत ५० हजार रुपये होते. काम आटोपून तो गांधलीपुरा भागातील दवाखाण्याजवळ हँडल लॉक करून तो वेश्यावस्तीकडे गेला. तिकडून परत आला असता त्याला त्याची मोटरसायकलची डिक्की उघडी दिसली. त्याचे ५० हजार रुपये कोणीतरी चोरून नेल्याचे उघडकीस आले. अमळनेर पोलीस स्टेशनला फिर्याद दिल्यावरून अज्ञात चोरत्याविरुद्ध गुन्हा दाखल करण्यात आला असून तपास हेडकॉन्स्टेबल अशोक साळुंखे करीत आहेत.
