विद्या प्रतिष्ठान इंग्लिश मीडियम स्कूल (सी. बी. एस.ई.)शाळेत पर्यावरण पूरक गणपती बनविण्याची कार्यशाळा थाटात संपन्न..
बारामती(प्रतिनीधी : वर्षा चव्हाण)
विद्या प्रतिष्ठान सीबीएसई शाळेत शुक्रवार दिनांक ३१ ऑगस्ट २०२४ रोजी सकाळी पर्यावरण पूरक गणपती बनविण्याचा विद्यार्थ्यांनी आनंद घेतला.
या कार्यशाळेचे उद्घाटन शाळेच्या प्राचार्या सौ. राधा कोरे यांच्या हस्ते करण्यात आले. याप्रसंगी त्यांनी, पर्यावरण पूरक गणेश मूर्तींचे महत्त्व तसेच गणेश उत्सव सुरू करण्यामागची भूमिका याविषयी त्यांनी विद्यार्थ्यांना मार्गदर्शन केले.
गणेश मूर्ती बनविताना इतर विषयांशी समन्वय जोडण्याविषयी माहिती सांगितली. कलाशिक्षक मनोज कुंभार सरांनी गणेश मूर्ती बनविण्याचे प्रात्यक्षिके दाखवून विद्यार्थ्यांना मार्गदर्शन केले. रंगसंगती विषयी माहिती समजून सांगितली.
या कार्यशाळेचे आयोजन शाळेच्या प्राचार्या त्यांच्या मार्गदर्शनाखाली करण्यात आले.
या कार्यशाळेचे समन्वयक म्हणून श्री सुधीर जैन यांनी काम पाहिले.
