आदर्श माध्यमिक विद्यालयाच्या शिरपेचात मानाचा तुरा….
(निलेश गायकवाड)
भिगवण ( ता.इंदापूर) येथील साईनाथ शिक्षण प्रसारक मंडळ संचलित आदर्श माध्यमिक विद्यालयाचा विद्यार्थी शाहिद सलीम मुलाणी याने इंदापूर तालुकास्तरीय कुस्ती स्पर्धेत 48 किलो खालील वजन गटात इंदापूर तालुक्यात प्रथम क्रमांक मिळवून पुणे जिल्हा स्तरीय कुस्ती स्पर्धेसाठी निवड झाल्याबद्दल शाहिद मुलाणी याचा संस्थेच्या व विद्यालयाच्या वतीने सत्कार करण्यात आला.
इंदापूर येथे झालेल्या तालुकास्तरीय कुस्ती स्पर्धेत 48 किलो खालील वजन गटात प्रथम क्रमांक मिळविला. त्याबद्दल साईनाथ शिक्षण प्रसारक मंडळ संस्थेच्या वतीने शाहिद मुलाणी याचा विद्यमान अध्यक्ष डॉ. अमोल खानावरे यांनी रोख 1100 रुपये आणि श्री.सचिन बोगावत यांनी रोख 500 रुपये बक्षीस देऊन सत्कार करण्यात आला. यावेळी संस्थेचे संस्थापक अध्यक्ष डॉ.चंद्रकांत खानावरे , अध्यक्ष डॉ. अमोल खानावरे, संचालक सचिन बोगावत , धनाजी थोरात, जय मल्हार तालीम चे वस्ताद दत्ता गायकवाड, अजय कोथमिरे , सलिम मुलाणी, सुनील गोरे मुख्याध्यापिका सुचिता साळुंके आदी मान्यवर उपस्थित होते. यावेळी वस्ताद दत्ता गायकवाड , सचिन बोगावत यांनी विद्यार्थ्यांना मार्गदर्शन केले. विद्यार्थ्यांनी अभ्यासाबरोबरच खेळाकडे लक्ष देणे गरजेचे असून विद्यार्थ्यांच्या खेळ कौशल्यास वाव मिळाल्यास राष्ट्रीय व आंतरराष्ट्रीय स्तरावरील खेळाडू घडतील.असे मत संस्थेचे संस्थापक अध्यक्ष डॉ चंद्रकांत खानावरे यांनी व्यक्त केले. तसेच शाहिद मुलाणी यास जिल्हा स्तरीय कुस्ती स्पर्धेसाठी शुभेच्छा दिल्या. यावेळी सर्व शिक्षक , शिक्षकेतर कर्मचारी व विद्यार्थी मोठय़ा संख्येने उपस्थित होते.
