करमाळा: लोकसभेच्या रणधुमाळीत भाजपाचे रणजीतसिंह नाईक निंबाळकर यांचे विरूध्द राष्ट्रवादी शरदचंद्र पवार पक्षाचे धैर्यशील मोहिते पाटील यांच्यातील होणारी लढत रंजकदार होणार असल्याचे चित्र हळू हळू स्पष्ट होत आहे. करमाळा येथील मोहिते पाटील यांच्या समर्थनार्थ राष्ट्रवादी शरदचंद्र पवार पक्षामध्ये दररोज नवनवीन इनकमिंग चालू असून करंजे ता.करमाळा ग्रामपंचायतचे उपसरपंच पप्पूशेठ सरडे व सदस्य संतोष फुके यांचा धैर्यशील मोहिते पाटील यांचे उपस्थितीत राष्ट्रवादी काँग्रेस शरदचंद्र पवार पक्षात प्रवेश झाला आहे. त्यासोबत तात्या पाटील, विलास सरडे, उमेश सरडे, नवनाथ पवार, विलास पवार, सचिन सरडे यांनी चिकलठाण येथील सभेदरम्यान उपस्थित राहून धैर्यशील भैया मोहिते पाटील यांना जाहीर पाठींबा दिला व करंजे गावातून मोहिते पाटील यांना भरघोस असे मतदान देण्याचे आश्वास दिले. अशा पद्धतीने माढा मतदार संघातील गावोगावी लोकांमधूनच वाढता पाठिंबा मोहिते पाटील यांना भेटत आहे. मोहिते पाटलांची उमेदवारी ही जनतेतूनच आल्याची चर्चा सर्वत्र आहे. त्यामुळे करमाळा तालुक्यातून मोहिते पाटील यांचे राजकीय वजन वाढताना दिसत आहे.
Menu
न्यूज
ब्रेकिंग
