करमाळा प्रतिनिधी :- करमाळा तालुक्यातील चळवळीतील नेतृत्व म्हणून ज्यांच्याकडे पाहिले जाते असे भारतीय जनता पार्टीचे युवा मोर्चाचे करमाळा तालुकाध्यक्ष चंद्रकांत राखुंडे यांनी अंतर्गत गटबाजीला कंटाळून आपल्या तालुकाध्यक्ष पदाचा राजीनामा दिलेला असल्याने ऐन लोकसभेच्या रामधुमाळीत भाजपासाठी हा मोठा धक्का मानला जात आहे.
याबाबत राखुंडे यांनी अधिक माहिती देताना सांगितले की, मी २००८ ते २०२४ पर्यंत भाजपा चे मनापासून काम केले आहे. मागील लोकसभेत सुद्धा निंबाळकर यांचे मनापासून काम करत त्यांच्या विजयात खारीचा वाटा उचलला होता. परंतु निंबाळकर यांनी पाच वर्षात आम्हाला कधीही विश्वासात घेतले नाही. मोजक्याच लोकांना संपर्क साधून त्यांचीच कामे आज पर्यंत त्यांनी केलेली असल्याने निष्ठावंत भाजपाचे पदाधिकारी यामुळे उघडपणे नाराजी व्यक्त करीत असल्याचा घणाघात ही यावेळी राखुंडे यांनी केला. तसेच मोजक्या लोकांना सोबत घेऊन निंबाळकर यांनी खासदार होण्याचे स्वप्न पाहत राहावे असा टोलाही त्यांनी यावेळी लगावला. अजून कोणकोणते पदाधिकारी पक्षाला सोडचिठ्ठी देणार आहेत हे मात्र अद्याप गुलदस्त्यात असले तरी भाजपच्या वरिष्ठांनी या बाबीकडे गांभीर्य पूर्वक पाहता राजीनामा सत्र थांबवण्यासाठी प्रयत्न करणे गरजेचे असल्याचे बोलले जात आहे.
Menu
न्यूज
ब्रेकिंग
