अमळनेर शहरातील प्लास्टिक बंदीचा कायदा मोडून प्लास्टिक ची सर्रास विक्री सुरू; प्रशासनाचे दुर्लक्ष चिंतेचा विषय
अमळनेर : विक्की जाधव.
सर्वत्र प्लास्टिक बंदीच्या नियमांचे उल्लंघन होत असून, विविध ठिकाणी प्लास्टिक पिशव्यांची विक्री अनियंत्रितपणे सुरू आहे. काही ठिकाणी लोडगाड्यांवर प्लास्टिक पिशव्यांचा वापर मोठ्या प्रमाणावर होत आहे, ज्यामुळे स्थानिक प्रशासनाचे दुर्लक्ष स्पष्टपणे दिसून येत आहे.
सामाजिक कार्यकर्त्यांनी या गंभीर परिस्थितीवर चिंता व्यक्त करताना पालिकेच्या कार्यप्रणालीवर प्रश्नचिन्ह उपस्थित केले आहे. “प्लास्टिक बंदीच्या नियमांचे पालन न करणारे विक्रेते आणि नागरिक यांविषयी प्रशासन नेमके काय करत आहे?” असा सवाल उपस्थित केला जात आहे.
अनेक ठिकाणी प्लास्टिक पिशव्यांचा वापर करण्यात येत असताना, प्रशासनाकडून प्लास्टिक विरोधी मोहिमांचे प्रभावी अंमलबजावणी न झाल्यामुळे शहराच्या पर्यावरणामुळे गंभीर धोका निर्माण होत आहे. यामुळे शहरी क्षेत्राच्या स्वच्छतेवरही वाईट परिणाम होऊ शकतो.
अमळनेरच्या नागरिकांनीही याबाबतीत जागरूक राहून प्लास्टिकचा वापर टाळणे आवश्यक आहे, जेणेकरून शहराचे पर्यावरण स्वस्थ राहील आणि प्लास्टिक प्रदूषणाच्या समस्येवर नियंत्रण ठेवता येईल.
