प्रा. डॉ. अर्चना पाटील यांचे स्वलिखित “महिला सबलीकरण आणि समाजकार्य” पुस्तकाचा प्रकाशन सोहळा अमळनेर येथे संपन्न..
अमळनेर : विक्की जाधव.
कवयित्री बहिणाबाई चौधरी उत्तर महाराष्ट्र विद्यापीठ जळगाव संचलित श्रम साफल्य एज्युकेशन सोसायटीच्या पंडित जवाहरलाल नेहरू समाजकार्य महाविद्यालयाच्या माजी विद्यार्थिनी प्रा. डॉ. अर्चना पाटील यांचे स्वलिखित “महिला सबलीकरण आणि समाजकार्य” या पुस्तकाचा प्रकाशन सोहळा १२ मार्च २०२५ रोजी अमळनेर येथे भव्य स्वरूपात पार पडला.
या विशेष कार्यक्रमात प्रा. डॉ. अर्चना पाटील सध्या क.ब.चौ. उत्तर महाराष्ट्र विद्यापीठ संचलित आदिवासी अकादमी, नंदुरबार येथे टीचिंग असोसिएट म्हणून कार्यरत आहेत. त्यांच्या या पुस्तकाचे प्रकाशन “शाश्वत विकासासाठी शांतता, न्याय आणि सुसंवाद” या राष्ट्रीय परिषदेच्या निमित्ताने करण्यात आले.
या प्रकाशन सोहळ्यास अनेक मान्यवर उपस्थित होते, ज्यामध्ये श्रम साफल्य एज्युकेशन सोसायटीचे संस्थापक अध्यक्ष मा. श्री. दादासाहेब भांडारकर, अध्यक्ष मा. श्री. अभिजित भांडारकर, सचिव मा. सौ. गीत भांडारकर यांचा समावेश होता.
विशेष अतिथींमध्ये डॉ. विनोद प्रभाकर पाटील (कुलसचिव, क.ब.चौ. उत्तर महाराष्ट्र विद्यापीठ जळगाव), प्रा. डॉ. जगदीश पाटील (अधिष्ठाता, मानवविद्या विभाग), प्रा. अंबादास मोहिते (संस्थापक अध्यक्ष, मास्वे), डॉ. वाय.जी. महाजन (अध्यक्ष, अभ्यास मंडळ, समाजकार्य विभाग), डॉ. एस.एन. देसाई (माजी कुलसचिव), डॉ. नितीन बारी (एन मुक्ताचे अध्यक्ष) आणि इतर प्राध्यापक व कर्मचारी उपस्थित होते.
“महिला सबलीकरण आणि समाजकार्य” हे पुस्तक बी.एस.डब्ल्यू. आणि एम.एस.डब्ल्यू. अभ्यासक्रमातील विद्यार्थ्यांसाठी अत्यंत उपयुक्त ठरणारे असून स्पर्धा परीक्षेच्या तयारीसाठीही मार्गदर्शक ठरले आहे. सदर पुस्तक अथर्व पब्लिकेशन यांनी प्रकाशित केले असून महाविद्यालयाच्या ग्रंथालयात उपलब्ध करून देणे प्रस्तावित आहे, जेणेकरून सर्व विद्यार्थ्यांना याचा लाभ घेता येईल.
कार्यक्रमाच्या यशस्वितेसाठी प्राचार्य डॉ. ए.बी. जैन, प्रा. श्याम दामू सोनवणे, प्रा. डॉ. जगदिश सोनवणे, तसेच इतर मान्यवरांनी मोठा सहभाग घेतला. सर्व उपस्थितांच्या सहकार्याद्वारे, या प्रकाशन सोहळ्याने एक सकारात्मक संदेश दिला आणि महिलांच्या सशक्तीकरणासाठी आणखी एक पाऊल उचलले.
प्रा. डॉ. अर्चना पाटील यांच्या या कार्यामुळे समाज कार्याच्या क्षेत्रात नवीन आयाम उपलब्ध होईल आणि विद्यार्थ्यांना प्रगत विचारांची संधी मिळेल, अशी अपेक्षा व्यक्त करण्यात आली आहे.
