अमळनेर तालुक्यातील १३ गावच्या सरपंचपदाची ३० तारखेला आरक्षण सोडत..
अमळनेर: विक्की जाधव.
अमळनेर तालुक्यातील १ जानेवारी २०२४ ते ४ मार्च २०२५ या कालावधीत सरपंचपदाची मुदत संपणाऱ्या १३ ग्रामपंचायतींच्या सरपंच पदाचे आरक्षण ३० तारखेला सकाळी ११ वाजता नगरपरिषदेच्या सभागृहात काढण्यात येणार असून या आरक्षण सोडतीत ५० टक्के आरक्षण आवश्यक आहे, त्यामुळे नव्या नियमांनुसार नागरिकांच्या मागास प्रवर्गाचे आरक्षण कमी होऊन ते सर्वसाधारण प्रवर्गात वर्ग केले जाणार आहे. तालुक्यातील हिंगोणे बुद्रुक, दहिवद, दहिवद खुर्द, कुर्हे खुर्द, मालपूर, खडके, लोण सीम, लोण बुद्रुक, तळवाडे, निसर्डी, धार, रणाईचे बुद्रुक, आणि रणाईचे खुर्द या १३ ग्रामपंचायतींच्या सरपंच पदाची मुदत संपल्यामुळे आता नव्याने आरक्षण काढले जात आहे.
आरक्षणाच्या या प्रक्रियेत:
– १३ ग्रामपंचायतींपैकी १ जागा अनुसूचित जातीसाठी महिलेस राखीव असेल,
– नामांकित प्रवर्गासाठी ३ पैकी २ जागा महिलांसाठी असतील,
– खुल्या प्रवर्गासाठी ९ पैकी ४ जागा महिलांसाठी राखीव असतील.
यात अनुसूचित जमातीसाठी एकही सरपंच पद राखीव नाही. जळगाव जिल्ह्यात एकूण ३२ ग्रामपंचायतींच्या सरपंच पदासाठी आरक्षण सोडतीची प्रक्रिया होणार आहे, ज्यात सर्वाधिक १३ ग्रामपंचायती अमळनेर तालुक्यातील आहेत.तसेच, ग्रामस्थांनी ३० तारखेला आरक्षण सोडतीसाठी नगरपरिषदेत उपस्थित राहण्याचे आवाहन तहसीलदार रुपेशकुमार सुराणा यांनी केले आहे. या आरक्षण सोडतीसाठी गावकऱ्यांचा उत्साह महत्वाचा आहे, त्यामुळे त्यांच्या उपस्थितीने प्रक्रिया यशस्वी केली जाईल.
