अनेक वर्षापासून प्रभागासाठी झटणाऱ्या सामान्य कुटुंबाला मिळणार न्याय किरण भाऊ बहारेचं निवडून येणार नागरिक देताय हमी
अमळनेर नगरपरिषद निवडणूक 2025 च्या धामधुमीत प्रभाग क्रमांक 3 हा सध्या संपूर्ण शहराच्या चर्चेचा केंद्रबिंदू बनला आहे. प्रभागात एकच नाद घुमतोय “किरण भाऊ बहारे जिंकणारच!” नागरिकांमध्ये निर्माण झालेली ही प्रचंड सकारात्मक हवा पाहता किरण भाऊ बहारे उर्फ कृष्णा रामसिंग बहारे यांचा विजय जवळपास निश्चित मानला जात आहे. परिसरात दैनंदिन भेटीपासून ते रात्रौ उशिरापर्यंत चालणाऱ्या संपर्कसभांमध्ये नागरिकांचा उत्स्फूर्त प्रतिसाद पाहून विरोधकांचं गणित बिघडल्याचं स्पष्ट दिसत आहे.
प्रभागातील नागरिकांच्या विविध स्तरांमधून मिळणारा पाठिंबा हा केवळ राजकीय नसून भावनिकही आहे. अनेक वर्षे प्रभागासाठी सातत्याने केलेली धडपड, सर्वसामान्यांच्या अडचणींना प्राधान्य देऊन केलेल्या मदतीचा वारसा आणि “पहिले काम मग गाजावाजा” या ठाम भूमिकेमुळे किरण भाऊ बहारे यांची प्रतिमा ‘खऱ्या अर्थाने जनतेचा नेता’ अशी बनली आहे. त्यामुळे प्रचारादरम्यान दरवाजे ठोठावताच लोक स्वतःहून बाहेर येऊन म्हणत आहेत “या वेळेस किरण भाऊंचाच विजय!”
आजवर शांत असलेले अनेक मतदारही किरण भाऊ बहारे यांना खुल्या मनाने पाठिंबा देत असल्यामुळे प्रभाग क्रमांक 3 मध्ये निवडणूक सरळसरळ एकतर्फी होत असल्याचे चित्र तयार झाले आहे. विरोधकांकडे ना मुद्दे उरले, ना जनतेत विश्वास; उलटपक्षी नागरिक स्वतः पुढे येऊन हाक देत आहेत “किरण भाऊ बहारे, विजय तुमचाच निश्चित!” प्रभागातील बदलाची आस आणि विकासाचा निर्धार या दोन्ही गोष्टी मतदार एकमुखाने किरण भाऊंकडे पाहत असल्याचे स्पष्ट संकेत देत आहेत.
